Friday, April 05, 2013
Ek Chahat Hai Teri Jo Mujhko Rok Leti Hai
Jo lavz bayaan na kar paaye
Jo dil har pal tujse kehna chahe
Jo tu mujhse sunna na chahe
Vo kehne se
Ek chahat hai teri jo mujhe rok leti hai
Teri khushi me gum ho jau
Teri liye kuch bhi kar jau
Din raat tujhpar main vaar jau
Is dil ko bhi tujhpar main haar jau
Tujhko ye batlana chahu par
Ek chahat hai teri jo mujhko rok leti hai
Teri nazar ke samne main rehna chahu
Tere zindgi ke har pal ko main mehsus karna chahu
Teri khushi ka raaz main banna chahu
Tere ghamo ko samet kar dur kardena chahu
Teri tasveer ko har pal dekhna chahu par
Tujhse duriyan banane ka khayal yaad aa jata hai
Tab ek chahat hai teri jo mujhko rok leti hai
Pyar mujhe pehli baar nahi hua
Ikraar ka darr bhi mujhe malum hai
Lekin har baar beparwah main keh jata tha
Zindgi ko jue ki tarah jee jata tha
Lekin tujhe main kyun na keh pau
Shayad ek chahat hai teri jo mujhko rok leti hai
Subeh tere khayal se jagna
Raat ko tere khayal se sona
Din bhar tere khayal mein jeena
Aur tere khayal mein kho jana
Tujhse ye batlana chahu par
ek chahat hai teri jo mujhko rok leti hai
zindgi ko firse jeena
purani aadato ka laut aana
kuch naya karne ka mann karna
aur khul ke hasna aur gaana
yu toh sab main tere sath karna chahu
par teri kahi baatein dil ko tatool deti hai
ek chahat hai teri jo mujhko rok leti hai
is chahat se hi saansein judi hai
kabhi khushi kabhi gham ki kadi hai
tujhe batane se jo dil ghabraye
dil darr jaye ye soch kar ki tu paas na aaye
isliye chup reh jata hu aur janta hu
ki ek chahat hai teri jo mujhko rok leti hai
Subscribe to:
Post Comments (Atom)
No comments:
Post a Comment