sune hai humne afsane hazaron
karte hai log waade
jinhe nibhana hota hai mushkil
na poora hone pe jinke toot jate hai dil
ek aisi hi daastan humari bhi thi
pyar kiya shiddat se, deewangi bhi thi
masoom sa rishta aur nazaakat bhi thi
tumhe dil se paane ki khwahish bhi thi
phir ek din....
na chahu main tumko
ye kaisi guzarish tumne ki
dil mera toda
aur ranjish ki umeed bhi na ki
aur ab....
soone hai din
gumsum hai raatein
tadapta hai dil
yaad aati hai baatein
jaaga tha main raat bhar
bunta tha sapne
na pata tha ye
na rahenge apne
kambakht khwab hi the,
khwab hi reh gaye,
aisa lagta hai hum
kisi toofan mein beh gaye
aankhein roz neend se uthte samay
ab aas ye rakhti hai
sach ek sapna ho
aur haqeeqat mere khwabo jaisi hai....
No comments:
Post a Comment